Udhaar Ki Muskaan – Episode 7
Desi Chudai
This story is part of the Udhaar Ki Muskaan series Ab tak aapne padha ki Muskaan ko pataane ke chakkar mein Mayur ne bol diya ki Paras to kisi aur ladki Sanaya ko chaahta hain. Yeh sunkar Muskaan ne Mayur ke saamne hi Paras ko phone laga diya. Ab aage ki kahaani Mayur ki jubaani jaari hain… Ab meri haalat kharaab ho gayi thi. Paras ki abhi tak Sanaya ke saaath dosti se jyada baat nahi badhi thi. Muskaan agar usko puchhegi to wo mana kar dega ki uska Sanaya se koi rishta nahi hain aur Muskaan ki najro se main aur gir jaaunga. Paras ko phone milaate huye Muskaan ne phone ko speaker par rakh diya. Main aur Muskaan aamne saamne khade the aur beech mein ring karta hua uska phone tha. Saamne se Paras ne hello bola tha. Muskaan: “Paras, tu yeh bata ki kya Sanaya teri girl friend hain aur tu usko pyaar karta hain? Tum dono relationship mein ho!” Saamne se kuchh seconds ke liye Paras ki koi aawaj nahi aayi. Jitna mera dil dhak dhak kar raha tha utna hi shayad Muskaan ka bhi kar raha tha. Maine apne aap ko taiyar kar liya tha ki mujhe Muskaan ke haatho apne gaal par thappad khana hain. Paras: “Main tujhe bataane wala tha, par agar tujhe pata chal hi gaya hain to yeh sach hain” Muskaan ka khubsurat chehra sann se rah gaya tha aur aacharya se uski aankhien fati k ifati rah gayi. Mujhe bhi bada aascharya hua ki Paras ne mujhse jhoothh bola tha ki Sanaya sirf uski dost hain. Muskaan apna sir jhukaaye apne mobile phone ki screen dekh rahi thi. Phone se “Muskaan .. Muskaan” ki Paras ki aawaaj aa rahi thi jo band ho chuki thi kyu ki Muskaan ne call disconnet kar diya tha. Phone abhi bhi uske haath mein khula pada tha aur uski najre abhi bhi band mobile ki screen par thi. Dekhte hi dekhte uske aankho se aansuo ki dhaar teji se bahte huye uske gaalo par ludhak gayi thi. Mera khud ka dil jaise bikhar gaya tha Muskaan ko rote huye dekh kar. Mujhe samajh nahi aaya main kya karu. Rote huye uski siskiya nikalane lagi. Mujhe samajh nahi aaya ki kya karu. Maine apna ek haath uske kandhe par rakh diya. Agle hi pal usne mera haath jhatak diya. Apne aansu ponchh daale aur apna jacket pahan aur bag uthhaye teji se chali gayi. Mujhe us waqt apne aap par bahut tej gussa aaya. Apna haath gusse mein deewar par bhi maar diya aur dard se chikh bhi uthha tha. Phir jaldi se Paras ko phone lagaya. Paras ne bola ki wo ghar hi aa raha hain puri baat jaanane ke liye. Paras ghar aaya aur uske aate hi main us par bhadak gaya. Mayur: “Tuney to kaha tha ki Sanaya teri sirf dost hain, aur aaj kah raha hain ki tu uske saath relationship mein hain!” Paras: “Maine jo tujhe pehle kaha tha wohi sach hain. Sanaya sirf meri dost hain” Mayur: “To phir aaj jhoothh kyu bola?” Paras: “Saaley, main yeh nahi kahta to tu fans jata. Jaise hi Muskaan ne Sanaya ka sawaal puchha to mujhe samajhate der nahi lagi ki tu shayad fans gaya hoga aur Sanaya ko jikra kar diya hoga. Isliye maine risk liya aur decide kiya ki main haa bol dunga” Mayur: “Oh fuck. Tuney mujhe to bacha liya par Muskaan…” Paras: “Kya reaction tha uska yeh bata” Mayur: “Wo ekdum se buri tarah ro padi. Bina bole gusse mein chali gayi” Paras: “Tujhe itna jaldi Sanaya ka jikra nahi karna tha” Apne dono haatho se apna muh chhupaaye Paras wahi sofe par pasar gaya. Hum dono ab vichaar karne lage ki ab Muskaan ko kaise manaya jaaye. Paras ne Muskaan ko call karne ki kosish ki par Muskaan ne phone nahi uthhaya. Phir Paras ne Muskaan ko kuchh messages send kiye jisme likha tha ki usne jo bhi phone par kaha tha wo majaak tha aur uska Sanaya ke saath koi affair nahi hain. Haalanki saamne se Muskaan ka koi reply nahi aaya par Paras nischint tha ki Muskaan ne message padh liya hoga aur koi chinta ki baat nahi hain. Mayur: “Bhale hi Muskaan abhi maan bhi jaaye magar tera ye plan hi bekaar hain. Uska dil tut gaya tha, wo kabhi tujhe bhulaa kar mere paas nahi aayegi. Tu apna break up ka idea drop kar de aur Muskaan ko apna le” Paras: “Itna jaldi hathiyaar mat daal. Tuney fal pakne se pehle hi todne ki koshish ki isliye gadbad huyi. Pehle tu Muskaan ka vishwaas jeet phir wo tere paas aa jaayegi aur aaj jitna dukh hua utna nahi hoga” Mayur: “Tuney jo bola hain ki yeh Sanaya wala kissa majaak hain, iske baad Muskaan ka mujh par raha saha bharosa bhi uthh jaayega. Main to ab uski zindagi se out hi samajh” Paras: “Main usko yeh bhi bol dunga ki maine hi tujhse majaak mein kaha tha ki mera Sanaya se relation hain. Tujhe nahi pata tha ki yeh majaak tha. Is tarah Muskaan ka tujh par bharosa bana rahega” Main Paras ki baat ka yakeen karna chaah raha tha par phir bhi kar nahi pa raha tha. Agle din college mein mere saamne hi Paras ne Muskaan ko samjhaane ki koshish ki thi. Muskaan ne yeh baat sweekar kar li thi ki Paras ne majaak kiya tha magar phir bhi wo ruthhi thi ki is tarah ka majaak nahi karna chaahiye tha. Haalanki baad mein Paras ke gudgudi karne se Muskaan khilkhila kar hans bhi padi thi. Poora maamla phir se sambhal chuka tha. Yeh decide hua ki college ke baad hum teeno hamaare ghar par milne waley the. Kaaafi samay se Paras waise bhi Muskaan ko jyada sama nahi de raha tha to Muskaan hamaare saath ghar aane ko taiyar ho gayi. Thodi der baad hi Paras ne apne uncle ki bimaari ka bahana banaya aur ghar se chala gaya. Muskaan uske ghar par akele bore hoti isliye mere saath rukne ko maan gayi. Muskaan ne Paras ko darwaje tak chhodte huye bye kiya aur phir darwaja band kar usne mujhe gambhirta se dekha. Phir usne usi gambhirta se mujhe kuchh kaha. Muskaan: “Tu idhar aa” Mujhe bahut darr laga ki kal jo maine Sanaya ki jhoothhi kahani sunayi thi uska badla Muskaan abhi lena chaahti hain. Darr ke maare main khada hua aur dheere dheere chalta hua Muskaan ki taraf badha. Muskaan ne bhi kuchh kadam meri taraf badhaaye. Main Muskaan se ek haath dur jaakar khada ho gaya aur ek thappad khaane ko taiyaar tha. Muskaan ne mere Tshirt ka collar pakad liya aur meri ghiggi bandh gayi.